تجربتي مع الدعاء

دى تجربتى مع الدعاء والله لية مفعول ولا السحر ولايمكن حد يصدق والله فضلة كبير
اوووووى
انا دعيت ربنا كذذا مرة والحمد لله الحمد لله ربنا بيستجيب لية
بس نتفق الاول على حاجات
مينفعش ندعى واحنا مش بنصلى مثلا او بناخد مال حرام رشوة
ونتوب لربنا ونستغفر من زنوبنا اللى هى سبب كل الحاجات اللى ربنا بيبتلينا بيها عشان
ربنا يطهرنا منها ولو مبنعملش حاجة من الكبائر فا كفااااية اوووى الغيبة والنميمة ربنا يغفر
لنا كلنا ويهدينا جميعا
انا كنت بدعى لواحده قريبتى بنت عمتى وانا بحبها اوى وهة انسانة محترمة جدا وملتزمة
اوى ماشاء الله هى مش منتقبة بس محترمة جدا ولا ازكى على الله احدا هى
اتخطبت وخطوبتها اتفسخت وهى كانت حوالى خمسة وعشرين او ستة وعشرين وبعدين بعدها بحوالى سنة
او اكتر انا كنت بدعيلها كتير وشفت لها رؤيا انها هتتخب وقلتلها الرؤيا وبعدها مفيش
باسبوع او عشر ايام كدا لقيت عمتى بتتصل وبتقول انها اتخطبت وبتدعينا لخطوبتها على انسان
ما شاء الله علية
عقبال كل اللى لسة متجوزوش يارب( وانا معاكم هههههه)
وكمان فى واحدة هى مرات عمى بتعمل لنا سحر هى نفسا اللى بتعمل مش بتروح
لحد وعمى نفسة الله يرحمه هو اللى قال لنا
وانا كنت شاكة فى الموضوع وشفت رؤيتين انها كدا وشفتها بتصلى وظهرها للقبلة وعرفت انا
كدا تاركة الاسلام وراء ظهرها على تفسير ابن سيرين وناس تانية برضة قالو كدا المهم
اخويا مش مواظب على الصلاة اوى او بيصلى فى اخر الوقت ومش بيسبح وكدا واغانى
بقا وافلام المهم السحر ماثر فية جدااااا وكانت معاملتة لينا وحشة اوووى ومش طايق حد
فينا لا اانا ولا ماما ولا بابا ولال اى حد ويقول انا قرفت من البيت
دا ومعدتش عايز اجية هو لسة فى اولى ثانوى والله العظيم كذا مرة اعد اعيط
من اللى بيعملو فينا ومش عايز يكلمنا خااالص ولا يرد على حد وبيعاملنى معاملة زى
الزفت ونفسيتى تعبت منة وطبعا ماما وبابا
بابا كان عايز يضربة وماما تقولو معلش انا عارفة انى ابنى مش كدا دا غصب
عنة وكان دايما مكشر ومضايق وجتله ثعلبة فى راسة والبيت كان فى حاله كابة فظييييييعه
والله العظيم ربنا اللى يعلم
انا اسفة على الكلام الكتير والرغى دا بس حابة بس اوضح لكم اللى كان فية
واخليكو تعرفو الدعاء عمل فية اية

المهم فى يوم بالليل قبل ما انام والله وانا على السرير قعدت ادعى ربنا الدعاء
دا والله العظيم تانى يوم بالظبط قمت من النوم لقيت اخويا قاعد مع بابا وماما
قدام التليفزيون وهو يا ما قاعد على الكمبيوتر يا اما برة البيت مفيش غير كدا
لقيتة قاعد معاهم وبعدين لقيتة عمال يتكلم ويضحك عادى ويهزر والله انا كنت مزهولة مش
مصدقة خالص وكان مخاصمنى اساسا ومش بيكلنى حتى فى العيد بقولو كل سنة وانت طيب
مردش عليا برضة
والله العظيم رجع تانى يهزر ويتكلم معانا وطول النهار تهريج الحمد لله الحمد لله رب
العالمين اى نعم هو مزهقنى ومغلبنى ضربدايخة بس الحمد لله طبعا ضرب الحبيب زى اكل
الزبيب ودا اخويا الوحيد ماليش فى الدنيا غيرة

انا بس حبيت اعرض لكم المواقف اللى انا كنت فيها
وطبعا زمانك بتقولو احنا مالنا ومال الرغى الكتير دا ما تلخصى وتجيبى من الاخرمتنرفزة و
على اخري صدعتيناغضبانة جدا
محدش يقول لا انا سامعاكم اهو ههههههههه

الدعاء
اولا نحمد ربنا على نعمه الكتيرة طبعا واللى غالبا بننساها ومش بنفتكر الا الابتلاء او
المشكلة اللى عندنا
نصلى على الرسول علية الصلاة والسلام فى البداية والنهاااااية عشان الصلاة على الرسول والحمد ان
شاء الله مقبولين فا اللى بيكون بينهم بيكون مقبول باذن الله

اللهم عالم الغيب والشهادة فاطر السموات والارض رب كل شئ ومليكة اللهم انى اسالك بكل
اسم سميت بة نفسك او انزلتة فى كتابة او استاثرت بة فى علم الغيب عندك
او علمتة احدا من خلقك
اللهم انى اسالك باسمك الاعظم الذى اذا دعيت بة اجبت اللهم انى اسالك باسمائك الحسنى
وصفاتك العلى
اللهم ياحى ياقيوم يا واحد يا احد يا فرد يا صمد يا من لم تلم
ولم تولد ولم يكن لك كفؤا احد
يا حليم ياكريم يا من يجيب المضطر اذا دعاة ويكشف السوء يارب يا من احن
على العبد من امة وابية
يا رافع السموات والارض يارب كل شئ وخالق كل شئ ومالك كل شئ ياااااارب …(قولى
اللى انتى عايزاة….) وخلى الدعاء من قلبك وحسى بكل كلمة بتقوليها وارمى حملك على الله
وخلى عندك ثقة بالله ويقين
ولازم تبقى عارفة ان اى حاجاة ربنا بيعملها للواحد بتكون خير لية
يعنى مثلا الاحسن انك تتجوزى متاخر شويةولا انك تتجوزى وتتطلقى لا قدر الله او انك
تتجوزى واحد يهينك ويبهدلك ويضربك او…. وانتو شايفين تجار الناس اللى هنا فى المنتدى وعضوات
المحتارة وكل المشكل اللى موجودة ربنا ييسر امورهم يارب
خلى عندك دايما ثقة فى ربنا
والله العظيم اى حاجة ربنا بيعملهالك بتكون الاحسن ليكى حتى لو انتى مش شايفة كدا

انا كنت الاول بقول اة اكيد كل حاجة خير والحمد لله بس كلام وخلاص الوفتى
بقيت حاسة بية فعلا الحمد لله فى حاجات كتير افتكر انها مش كويسة وبعدين اعرف
قد اية ربنا كرمنى ونجانى من حاجات تانية وبقيت فعلا عندى يقييييين بالله ان كل
حاجة خير ماهو ربنا احن عليكى من امك وابوكى وجوزك وكل حد عندك

انا عارفة انى طولت بس يارب تكونو استفادتوا من الموضوع واتمنى تنشروة وربنا يكتبلنا الاجر
جميعا
انا اول مرة اعمل موضوع انا اللى كاتباة بس حسيت انى لازم اقولكو على تجربتى
ويارب تستفادو منها
وانا ليا تجربة برضة مع الاستغفار بس ان شاء الله اقولها فى توبيك تانى باذن
الله احسن شكلى هضرب صح؟هههههه
ربنا يكرمكم يارب ويرزقك كل واحدة باللى تتمناة يارب وييسر امورالمسلمين فى كل مكان وينصر
اخواتنا فى فلسطين والعراق والشيشان وافغانشتان والتشاد وجميع بلاد المسلمين يارب

متنسونيش بدعوة حلوة انا واهلى امى وابى واخى ربنا يكرمكم يارب ويفرج همومكم
اللهم صل وسلم وبارك على نبينا محمد واله وصحبة الكرام وكل من اتبعهم باحسان ليوم
الدين

استغفر الله الذى لا اله الا هو الحى القيوم واتوب الية

• تجربتي مع الدعاء
• ليه ربنا بيبتلينا
• تجربتي مع هذا الدعاء المستجاب
• تجربتي مع الدعاء المستجاب
• تجربتي مع اجابه الدعاء
• تجربتي مع إجابة الدعاء
• تجربتي مع ادعيه مستجابه
• تجربتي في اجابه الدعاء
• تجربتى مع الدعاء المستجاب
• تجربتي مع الدعاء بالاستجابه